تحریک انصاف کے نو منتخب ایم پی اے انتقال کر گئے

راجن پور کے طارق خان دریشک جو تحریک انصاف کے صوبائی اسمبلی کے رکن تھے، ان کو جمعے کی شب طبیعت خراب ہونے کی وجہ سے ہسپتال منتقل کر دیا گیا۔ 

ڈاکٹروں کی بے حد کوششوں کے باوجود وہ ان کو بچا نہ سکے اور طارق خان اپنے خالق حقیقی سے جا ملے۔ طارق خان دریشک حلقہ پی پی 269 راجن پور سے پنجاب اسمبلی کے رکن منتخب ہوئے تھے۔

شائقین آئی فون کے لیے ڈوئل سم کا فیچر شامل کرنے کا امکان

تاریخ میں پہلی بار آئی فون لائے گا ڈوئل سم کا فیچر، جو کہ شائقین آئی فون کے لیے ایک خوش آئند بات ہے۔

تفصیلات کے مطابق یہ فیچر آئی فون ایکس پلس میں دیکھنے کو ملے گا، جس کی اسکرین 6.5 انچ ہے۔

ماہ ستمبر میں آئی فون کی جانب سے 3 فون ریلیز ہونے کے امکانات ہیں۔

بنی گالا میں اجلاس، خیبر پختونخوا کے وزیر اعلی کا نام فائنل

آج عمران خان کی زیر صدارت بنی گالہ میں ہونے والے اجلاس میں وزراء کے ناموں پر غور کیا جانا تھا۔

تفصیلات کے مطابق کے پی کے کے لیے پرویز کھٹک اور عاطف خان کے نام زیر غور تھے۔ بنی گالہ میں خیبر پختونخوا کے "عاطف خان" کا نام بطور وزیر اعلی فائنل کیا گیا ہے۔

واضح رہے، پرویز کھٹک نے خطاب کرتے ہوئے کہا تھا کہ ان کو عمران خان کا ہر فیصلہ منظور ہے۔

وزرائے اعلی کے ناموں پر مشاورتی اجلاس بنی گالا میں جاری

بنی گالا میں عمران خان نے مشاورتی اجلاس کا انعقاد کیا ہے، جس میں یہ فیصلہ کیا جائے گا کہ پنجاب کی وزارت کا سہرا کس کے سر پہ سجے گا، مزید کے پی کے وزیر اعلی کا بھی انتخاب کیا جائے گا۔

پوری قوم عمران خان کے فیصلے کے لیے منتظر ہے، اور اپنے صوبے کے وزیر کا نام سننے کے لیے تجسس کا شکار ہیں۔

نیوزی لینڈ ٹیم کا دورۂ پاکستان سے انکار

پی سی بی کی جانب سے نیوزی لینڈ (کیویز ٹیم) کو دورۂ پاکستان کی دعوت دی گئی، جسے نیوزی لینڈ ٹیم نے مسترد کر دیا۔ 

اب پاکستان نیوزی لینڈ سیریز یو اے ای میں کھیلی جائے گی، جس میں ٹیسٹ، ون ڈے اور ٹی ٹوینٹی میچز کھیلے جائیں گے۔