پاکستان : ڈالر کی قیمت میں کمی، عوام کے لیے خوشخبری

الیکشن 2018 سے قبل پاکستانی عوام ڈالر کی اونچی اڑان کے مسئلے سے دوچار تھی، اور اس ملک کا اقتدار ایسے حکمران کو سونپنے کی خواہش مند تھی جو اس ملک کو معاشی بحران سے نکال کر ترقی کی راہ پر گامزن کر ے۔

الیکشن 2018 کے چند روز بعد ہی قوم کے لیے خوشخبریوں کے انبار لگ گئے اور پاکستانی عوام یہ سوچنے پر مجبور ہو گئی ہے کہ انھوں نے اقتدار کی چابی عمران خان کو سونپ کر کوئی غلط فیصلہ نہیں کیا۔

الیکشن سے قبل ڈالر کی ناقابل یقین قیمت 130 تک تجاوز کر گئی تھی، جبکہ جمعہ کے روز یہ قیمت گھٹتی نظر آئی اور دن بھر کے تجارتی کاروبار کے بعد ڈالر کی قیمت 127.85 تک آگئی۔ 

جبکہ آج صبح ہی عوام کو ایک اور تحفہ ڈالر کی مزید کمی کی صورت میں ملا۔ ڈالر کی قیمت مزید کم ہو کر 126 روپے تک آگئی ہے، جس سے سونے کی قیمت میں بھی خاطر خواہ کمی آئے گی۔ اگر اسی طرح ڈالر کی قیمت میں بتدریج کمی آتی رہی تو وہ وقت دور نہیں جب پاکستان ترقی یافتہ ممالک کی صف اول میں کھڑا ہو گا۔